Teitl y Swydd: Rheolwr Cyfathrebu Tîm: Profiad ac Ymgysylltiad Cefnogwyr Lleoliad: Hybrid (wedi’i rannu rhwng gweithio gartref ac un o’n swyddfeydd – yn Llundain, Caerdydd neu Gaeredin) Cyflog cychwynnol: £31,760 - £34,936 y flwyddynMae gradd cyflog y swydd hon o fewn yr ystod £31,760 i £47,640. Bydd y cyflog cychwynnol ar ben isaf yr ystod, hyd at uchafswm o 10% o’r cyflog sylfaenol, yn dibynnu ar sgiliau a phrofiad yr ymgeisydd. Nod hyn yw sicrhau bod cyflogeion newydd yn cael tâl teg a sicrhau cysondeb gyda’r raddfa gyflog strwythuredig ar gyfer y swydd. Ceisiadau a Chyfweliadau: Cyflwynwch eich CV a’r llythyr cyflwyno yn Saesneg, er mwyn i ni allu darllen eich cais, oherwydd bydd y cyfweliadau’n cael eu cynnal yn Saesneg. Mae’n gyfnod cyffrous i ymuno â’r Ramblers oherwydd rydym wedi adfywio ein strategaeth i gefnogi’r gwaith o gyflawni ein huchelgeisiau hirdymor. Rydym angen eich brwdfrydedd, gwybodaeth, sgiliau a chreadigrwydd i’n helpu i godi ymwybyddiaeth o’r Ramblers a’r hyn yr ydym yn sefyll drosto, gan alluogi’r elusen i gynyddu ei sylfaen o gefnogwyr a chyfleu pleserau a buddion llesiant cerdded i nifer fwy o bobl. Amdanom ni Y Ramblers yw elusen gerdded Prydain. Rydym yn agor y ffordd fel y gall pawb fwynhau buddion cerdded. Mae’n hawdd meddwl bod gan bawb yr un cyfle i fwynhau’r awyr agored. Ond edrychwch ychydig yn ddyfnach a byddwch yn canfod llawer o rwystrau. Felly, rydym yn parhau i frwydro dros newid. Rydym yn ymgyrchu dros hawliau’r cyhoedd i fwynhau’r awyr agored, diogelu llwybrau, meithrin sgiliau a chynnig ffyrdd gwahanol i fynd allan i gerdded mewn natur. Mae ein rhaglenni’n cael effaith fawr mewn cymunedau lleol: mae Teithiau Cerdded Llesiant y Ramblers yn helpu pobl i gymryd y cam cyntaf i ffordd o fyw hapusach ac iachach, ac mae’r Wobr ‘Out There’ gan y Ramblers yn rhoi cyfle i oedolion ifanc 18-26 oed sbarduno eu taith i mewn i’r awyr agored. Drwy ein strategaeth wedi’i hadfywio, byddwn yn adeiladu ar y profiad hwn ac yn estyn ein heffaith drwy weithgareddau sy’n blaenoriaethu anghenion cymunedau sydd â’r mynediad lleiaf ac sy’n wynebu’r rhwystrau mwyaf i gerdded y tu allan mewn natur. Diben y Rôl Mae’r rôl hon yn defnyddio dull gweithredu ar sail data i sicrhau bod ein gohebiaeth yn cael yr effaith fwyaf bosibl i godi proffil y sefydliad a chyflawni canlyniadau busnes drwy ymdrechion cyfathrebu a marchnata strategol. Bydd deiliad y rôl yn gweithio ochr yn ochr â’r tîm Cyfathrebu ac Ymgyrchoedd ehangach i ddarparu gohebiaeth ledled Prydain Fawr y cytunwyd arni a rheoli gohebiaeth sy’n benodol i’r gwledydd unigol fel rhan o raglen gyfathrebu integredig a chydgysylltiedig. Bydd gan ddeiliad y rôl gysylltiad â’r cyd-destun Cymreig a dealltwriaeth reddfol ohono a gall addasu a chyflwyno materion cenedlaethol i gynulleidfaoedd lleol, yn ogystal â chyflwyno ein gwaith yng Nghymru i gynulleidfa genedlaethol ar draws nifer o sianelau. Cyfrifoldebau allweddol Cynllunio gohebiaeth Gweithio’n agos gyda thîm Ramblers Cymru i olrhain prosiectau a materion lleol. Gweithio gyda’r Rheolwr Cyfathrebu Strategol i arwain proses cynllunio gohebiaeth strwythuredig sy’n sicrhau bod cynulleidfaoedd allweddol yn derbyn gohebiaeth amserol yn unol â’u hanghenion, drwy’r sianelau priodol (ledled Prydain Fawr neu sy’n benodol i’r gwledydd unigol). Rhan allweddol o’r broses hon fydd dilyniant i sicrhau nad yw cynulleidfaoedd wedi’u llethu gan negeseuon niferus/tameidiog. Gweithio’n agos gyda’r tîm cyfathrebu ehangach i ddatblygu negeseuon ac asedau ymgyrchoedd sy’n alinio â’r strategaeth ar gyfer gweithgareddau cyfathrebu ac ymgyrchoedd hyrwyddo ledled Prydain Fawr ac ar gyfer y gwledydd unigol. Darparu Gohebiaeth Rheoli prosiectau a darparu gweithgareddau cyfathrebu ledled Prydain Fawr ac sy’n benodol i’r gwledydd unigol ar draws sianelau dan berchnogaeth, a enillir a (lle y bo’n berthnasol) â thâl, gan gynnwys rheoli amserlenni a chyllidebau, ysgogi timau eraill, chwilio am gyfleoedd i gydweithio â phartneriaid allanol, a phennu a mesur dangosyddion perfformiad allweddol. Rheoli sianelau Gweithio mewn partneriaeth â’r Tîm Profiad Aelodau a Chefnogwyr a’r tîm cyfathrebu ehangach i gynllunio a darparu gohebiaeth i aelodau a gwirfoddolwyr ledled Prydain Fawr ac yn y gwledydd unigol. Gweithio mewn partneriaeth gyda’r Swyddog Cymdeithasol a Chymunedol i gyflwyno negeseuon wedi’u halinio i’n cynulleidfaoedd, i ysgogi ymgysylltiad â’n negeseuon ac i estyn cyrhaeddiad ein sianelau cyfryngau cymdeithasol ledled Prydain Fawr ac mewn gwledydd unigol. Gweithio mewn partneriaeth gyda’r Swyddog Gwefan i gyflwyno negeseuon wedi’u halinio i’n cynulleidfaoedd a sicrhau bod ein gwefan a’n dulliau marchnata digidol yn cael yr effaith fwyaf bosibl i gynyddu ein sylfaen o gefnogwyr. Gweithio mewn partneriaeth gyda’r Swyddog Cysylltiadau Cyhoeddus a’r Cyfryngau i sicrhau cyrhaeddiad ac effaith gorau posibl ein cysylltiadau cyhoeddus ar draws ein cynulleidfaoedd targed yn Lloegr, yr Alban a Chymru. Datblygu Cynnwys Cydweithio â’r tîm Cyfathrebu ac Ymgyrchoedd ehangach i ganfod a llunio deunyddiau ac asedau cyfathrebu (lluniau, storïau, fideos, graffeg, ac ati) y gellir eu defnyddio ar sianelau ledled Prydain Fawr ac yn y gwledydd unigol i helpu i feithrin brand y Ramblers a’i berthnasedd i’n cynulleidfaoedd targed. Dadansoddi data a’u cyflwyno: Monitro a dadansoddi perfformiad yr ohebiaeth gan ddefnyddio metrigau allweddol a mewnwelediadau data. Paratoi adroddiadau ac argymhellion manwl i hysbysu ymgyrchoedd a strategaethau yn y dyfodol. Arloesedd a gwella: Defnyddio mewnwelediadau data i lywio a gwella strategaethau a thactegau sianelau, gan ddefnyddio dull profi a dysgu. Bod yn ymwybodol o dueddiadau’r diwydiant, yr arferion gorau, a thechnolegau sy’n dod i’r amlwg i wella effeithiolrwydd ymgyrchoedd yn barhaus. Rhoi’r adborth a’r gwersi a ddysgwyd ar waith i goethi a gwella strategaethau ymgyrchoedd. Arall Cyflawni dyletswyddau eraill sy’n ofynnol yn y swydd. Ymgysylltu a datblygu perthnasoedd gweithio rhagorol ledled y sefydliad mewn modd rhagweithiol. Bydd y disgrifiad swydd hwn yn cael ei adolygu gyda deiliad y swydd i sicrhau bod ein hamcanion yn cael eu cyflawni’n llwyddiannus. Yr Unigolyn Gwybodaeth a Phrofiad Y gallu i ddatblygu a gweithredu gweithgareddau cyfathrebu effeithiol sy’n alinio ag amcanion y sefydliad. Hyfedr yn y Gymraeg. O leiaf yn gallu adolygu copi a ddarperir gan gyfieithydd. Yn ddelfrydol, yn gallu ysgrifennu copi Cymraeg gwreiddiol a chynnal cyfweliadau â’r cyfryngau yn Gymraeg. Profiad wedi’i ddangos o reoli a chyflawni ymgyrchoedd cyfathrebu heb gostau/costau isel yn llwyddiannus, yn ddelfrydol o fewn sefydliad nad yw’n gwneud elw neu sefydliad hyrwyddo/ymgyrchu. Profiad o gyfathrebu a marchnata ar nifer o sianelau gan gynnwys rhai cysylltiadau cyhoeddus, y cyfryngau cymdeithasol a digidol. Profiad o ysgrifennu ar gyfer gwahanol gynulleidfaoedd gan sicrhau bod negeseuon allweddol yn cael eu cyflwyno yn arddull y brand. Sgiliau cryf mewn creu cynnwys deniadol ar draws nifer amrywiol o lwyfannau’r cyfryngau. Hyfedr mewn dadansoddi data perfformiad ymgyrchoedd a chanfod mewnwelediadau gweithredadwy. Sgiliau cyfathrebu llafar ac ysgrifenedig rhagorol ar gyfer ymgysylltu â rhanddeiliaid a chysylltu â’r cyhoedd mewn modd effeithiol. Y gallu i gydweithio â thimau traws-swyddogaethol a phartneriaid allanol. Sgiliau trefnu cryf gyda phrofiad o reoli nifer o brosiectau ac amserlenni. Profiad o weithio gyda gwirfoddolwyr Deall pwysigrwydd brandio 360° i sicrhau bod pob dim a wnawn ar draws ein gwaith cyfathrebu a’n gweithgareddau yn helpu i feithrin y brand. Dealltwriaeth eang o gyfreithiau hawlfraint a diogelu data. Nodweddion Personol Diddordeb mewn cerdded ac ymgysylltu pobl â’r awyr agored. Wedi ymrwymo i egwyddorion cynhwysiant a galluogi pawb i deimlo bod croeso iddynt yn yr awyr agored. Gwydn gyda’r gallu i weithio o dan bwysau ac i amserlenni tynn sy’n cystadlu. Hyblyg a gallu gweithio’n annibynnol ac fel rhan o dîm. Ysgogiad i wneud gwaith gwych ac i barhau i gyflawni canlyniadau cryfach. Mae’r Ramblers yn hyrwyddo amrywiaeth ac rydym yn croesawu ceisiadau o bob rhan o’r gymuned. Gwerthoedd ac Ymddygiad Ein gwerthoedd yw’r egwyddorion craidd sy’n ein harwain yn ddyddiol yn ein gwaith a’n haelodaeth o’r Ramblers. Rydym yn rhannu'r angerdd bod cerdded i bawb a thrwy weithredu'r gwerthoedd a rannwn, gallwn sicrhau bod y Ramblers yn sefydliad y gellir bod yn falch ohono. Bydd ein gwerthoedd yn ennyn ymddiriedaeth yn ein brand Ramblers a fydd yn galluogi i ni ddatgelu byd o gyfleoedd cerdded i fwy o bobl hyd yn oed. Cynhwysol – Rydym yn gwneud i bawb deimlo bod croeso iddynt a’u bod yn rhan o’r gymuned Ramblers. Rydym yn gwneud yn siŵr ein bod oll yn teimlo wedi ein parchu a’n derbyn a’n bod y gwybod bod ein cyfraniadau’n gwneud gwahaniaeth o ran cyflawni ein cenhadaeth. Ysbrydoledig – Rydym yn ymdrechu i ysbrydoli pobl drwy’r ffordd yr ydym yn ymddwyn a’r pethau a ddywedwn. Rydym yn sianelu ein brwdfrydedd a’n huchelgais fel bod eraill yn cael eu hysgogi i’n helpu i gyflawni ein cenhadaeth. Grymuso – Rydym yn grymuso ac yn annog ein gilydd i wneud cyfraniad cadarnhaol i’n timau a’r Ramblers. Gwnawn bob dim o fewn ein gallu i sicrhau bod gan bawb y gallu i gymryd camau a bod ganddynt yr hyder i wneud hynny. Cyfrifol – Rydym yn cymryd y cyfrifoldeb dros ein hunain a’r rheini o’n cwmpas o ddifrif, drwy ymddwyn mewn ffordd ddiogel a chefnogol bob tro. Rydym yn poeni am yr amgylchedd ac rydym yn gwneud yn siŵr ein bod yn gwneud yr hyn yr ydym yn addo ei wneud. Remote Status: hybrid